शुक्रवार थपिएका २० कोरोना संक्रमित कहाँका हुन् ? (सूचीसहित)

काठमाडौं । नेपालमा थप २० जनामा कोरोना संक्रमण फैलिएको छ ।

संक्रमित हुनेमा कैलालीका ३ जना १९, २३ र २६ वर्षीय पुरुषहरु रहेको छन् । उनीहरु जिल्लाको सरस्वती माबिको क्वारेन्टाइनमा रहेका थिए ।

त्यस्तै अर्का संक्रमित डडेलधुराका २८ वर्षीय पुरुष रहेका छन् । उनको डडेलधुरा अस्पतालमा गरिएको पीसीआर परीक्षणका क्रममा कोरोना संक्रमण पुष्टि भएको थियो ।

त्यस्तै कोरोना संक्रमित हुनेमा बैतडीका २२ वर्षीय पुरुष रहेका छन् । उनको बैतडी अस्पतालमा गरिएको परीक्षणका क्रममा उनको पीसीआर रिपोर्ट पोजेटिभ आएको स्वास्थ्य तथा जनसंख्या मन्त्रालयले जनाएको छ ।

त्यस्तै बाँकेका १४ जनामा कोरोना संक्रमण पुष्टि भएको छ । संक्रमण पुष्टि हुनेमा १३ जना बाँके नरैनापुरका १३ जना पुरुष तथा राप्ती सोनारीका १८ वर्षीय युवक रहेको मन्त्रालयले जनाएको छ । बाँकेमा आजै थपिएका १४ संक्रमितहरु १८ देखि ६१ वर्ष उमेर समुहका रहेका छन् ।

त्यस्तै मन्त्रालयले दिएको जानकारी अनुसार मोरङका २१ वर्षीय पुरुषमा कोरोना संक्रमण पुष्टि भएको छ ।

नेपालमा आज मात्रै ५० जनामा कोरोना संक्रमण देखिएको छ । यससँगै नेपालमा कोरोना संक्रमण पुष्टि हुनेको संख्या ५ सय ७ पुगेको छ । हालसम्म ७० जना कोरोना उपचारपछि निको भएर घर फर्किएको अवस्थामा ३ जनाको कोरोनाको कारण ज्यान गइसकेको छ ।