अमेरिकाको फ्लोरिडास्थित एक विद्यालयमा गोली चल्दा १७ जनाको मृत्यु

वासिंगटन, ३ फागुन । अमेरिकाको फ्लोरिडास्थित एउटा उच्च माध्यमिक विद्यालयमा भएको गोली प्रहारको घटनामा कम्तीमा १७ जनाको मृत्यु भएको छ एकजना १९ वर्षीय पूर्वविद्यार्थीले सो आक्रमण गरेको बताइएको छ । सो घटनामा अन्य १४ जना विद्यार्थी घाइते भएका छन् प्रहरीले सन्दिग्ध आक्रमणकारी निकोलस क्रुजलाई गिरफ्तार गरिसकेको छ । उनी मायामीभन्दा ७० किलोमिटर उत्तरमा पर्ने पार्कलेण्डमा रहेको मर्जोरी स्टोनमेन डग्लस हाइ स्कूलका पूर्वविद्यार्थी भएको बताइएको छ विवरणहरूमा उनलाई विद्यालयबाट निष्कासन गरिएको समेत उल्लेख गरिएका छन् । उनले आगो लागेको खतरा जनाउने घण्टी थिचेर विद्यालयमा अस्तव्यस्तता सिर्जना गराएको र त्यसपछि गोली चलाउन थालेको अधिकारीहरुले जनाएका छन् गोली चल्न थालेपछि विद्यार्थीहरूले कक्षा कोठाभित्र लुक्न बाध्य भएका थिए भने प्रहरीहरू विद्यालय परिसरलाई सुरक्षित बनाउने कारबाही तत्कालै थालेका थिए अमेरिकी संघीय जाँच निकाय एफबीआइले स्थानीय सुरक्षा निकायलाई अनुसन्धानमा सहयोग गरिरहेका छन् ।