भूतको कथामाथि बनेको ‘सुनकेसरी’ को टिजर सार्वजनिक [भिडियो]

काठमाडौं, ४ फागुन – चलचित्र  ‘सुनकेसरी’ को टिजर सार्वजनिक भएको छ । हरर जानराको चलचित्रलाई ऋचा शर्माले निर्माण गरेकी हुन् । चलचित्रको कथा तथा पटकथा अर्पण थापाले लेखेका हुन् । निर्देशन पनि थापाकै रहेको छ । डरलाग्दो लाग्ने चलचित्रको टिजर ३५ सेकेन्ड लामो छ ।ऋचा शर्मा, सन्नी ढकाल, लोरेन लोफ्बर्ग, रविन्द्र झा लगायतका कलाकारले फिल्ममा अभिनय गरेका छन् । भीएफएक्स र सम्पादन रन्जित मानन्धरको रहेको चलचित्रलाई ऋचासहित भीम न्यौपाने र शर्मिला सापकोटाले मिलेर निर्माण गरेका हुन् । चलचित्र आगामी वर्ष जेठ ११ गते रिलिज हुँदैछ ।