काठमाडौं । बलिउडका उदाउँदा अभिनेता सुशान्त सिंह राजपुतले आफ्नै घरमा झुन्डिएर आत्महत्या गरेका छन् । आईतवार उनले घरको फेनमा झुन्डिएर आत्महत्या गरेका हुन् ।
उक्त जानकारी घरका कामदारले पुलिसलाई फोन गरेर दिएका थिए । अहिलेसम्म उनको आत्महत्याको कुनै कारण पत्ता लाग्न सकेको छैन ।
उनी सामाजिक सञ्जालमा केहि समयदेखि एक्टिभ थिए । उनले अन्तिम पोस्ट आफ्नो आमाको नाममा १० दिन अगाडि गरेका थिए ।
उनले लेखेका थिए,
‘धुमिल विगत आँसुको थोपा बनेर उडिरहेछ
असीम सपनाहरुले मुस्कानलाई आकार दिइरहेका छन्,
र, क्षणभरको जीवन
यी दुई बीच मोलतोल गरिरहेछ… ।’
उनी १६ वर्षको उमेरमा उनकी आमाको मृत्यु भएको थियो । उनी घरमा एक्लै बस्ने गरेका थिए । उनी ६ महिना यता डिप्रेशनको शिकार भएका थिए । तर उनले यति ठूलो कदम उठाउँछन् भन्ने बारेमा कसैले सोच्न सकेका थिएनन् ।
उनका साथी ढोका तोडेर भित्र पस्दा उनी फेनमा झुन्डिरहेको पत्ता लागेको थियो । फिल्म करियरको कुरा गनुपर्दा उनले पहिला टिभी इण्डस्ट्रीमा पहिचान बनाएका थिए ।
उनको सबैभन्दा पहिलो सिरियल कि देशमा है मेरा दिल थियो । तर उनले पवित्र रिश्ता सिरियलबाट चर्चा कमाएका थिए ।
त्यसपछि मात्र उनी फिल्मी क्षेत्रमा फड्को मार्न सफल बनेका थिए ।उनले काई पोचे, एमएस धोनी, केदारनाथ, छिछोरे जस्ता हिट फिल्ममा काम गरेका थिए ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया