९० हजार पुग्न लाग्यो सुनको मूल्य, यस्तो छ आजको बजारभाउ

काठमाडौं । बिहीवार नेपाली बजारमा सुनको मूल्यमा स्थिरता छाएको छ ।

बुधवार प्रतितोला छापावाला सुनको मूल्य ८९ हजार ८ सय रहेको थियो । साथै आज पनि त्यहि मूल्य कायम भइ कारोबार भइरहेको नेपाल सुन चाँदी व्यवसायी महासंघले जनाएको छ । त्यस्तै तेजावी सुनको मूल्य ८९ हजार ३ सय ६५ रुपैयाँ कायम भएको छ ।

बिहीवारको तुलनामा प्रतितोला चाँदीको मूल्यमा ५ रुपैयाँले बृद्धि भएको छ । बुधवार प्रतितोला चाँदीको मूल्य ९ सय ३० रहेकोमा मूल्य बृद्धि भइ प्रतितोला चाँदी ९ सय ३५ मा कारोबार भइरहेको महासंघले जनाएको छ ।