टिकटक स्टारको आत्महत्या प्रकरण : भिडियो हेरेपछि अर्को ‘कोण’बाट अनुसन्धान गर्दै प्रहरी

काठमाडौं – अहिले सामाजिक सञ्जालका विभिन्न प्लेट फर्ममा टिकटक स्टार सिया कक्करको आत्महत्याको खबर सनसनी मच्याएको छ ।

धेरैले सामाजिक सञ्जालका भित्तोमा उनले यस्तो कदम कसरी उठाईन् ? भन्दै दुख व्यक्त गरेका छन् ।

१६ वर्षमा नै टिकटकमा स्टार बनिसकेकी युवती आत्महत्याजस्तो निर्णय लिन कसरी सकिन्  ? वा त्यसको कारण के थियो भन्ने विषयमा विभिन्न मत आईरहेका छन् भने टिकटकमा उनलाई पच्छ्याएका (फलो गरेका) र उनका नजिकका साथीहरुले उनको भिडियो आफ्नो टिकटकमा सेयर गर्दै भावुक बनाएको भनिरहेका छन् ।

धेरैले यो घटना कुनै अरुद्वारा घटाईएको त हैन ? भन्दै प्रश्न गरेका छन् । प्राप्त समाचारमा एकजना फोटोग्राफर जसले उनलाई नजिकबाट चिन्दथे उनले लेखेका छन्- ‘ बलिउडले अर्को फूल्दै गरेको एउटा प्रतिभा गुमायो । यो थाहा पाएपछि मैले स्तब्ध हुँदै उनी आगामी दिन गर्न लागेको म्यानेजमेन्टका सरीन सँग कुरा गरेँ । उनले सिया आफूसँग अघिल्लो रात कुरा गरेको र उनको ‘मुड’ ठिकै भएको प्रतिक्रिया दिए ।

यसैबीच उनले किन यस्तो कदम उठाइन् भनेर अनुसन्धानका लागि खटिएका अधिकारीले उनको पछिल्लो गतिवीधिको भिडियोहरुबाट मिहिन कुराहरु बाहिर ल्याउने भन्दै अनुसन्धान अधिकारीको भनाई पर्खिरहेका बेला बाहिरीएको छ ।

अन्तर्राष्ट्रिय सञ्चारमाध्यमले स्रोतलाई उदृद गर्दै समाचारमा लेखिएको छ कि- उनका पछिल्ला केहि महिनादेखि अपलोड गरीएका भिडियोमा उनी कतिपनि दु:खी/ ग्लानी /पश्चाताप गरिरहेका जस्तो वा तनाव /चिन्तामा भएजस्तो आभाष नहुने बताएका छन् ।

अधिकारीले मिडियासँग भनेका छन्, ‘यो पत्याउनै मुस्किल कुरा हो ।’ उनको हाउभाउको अध्ययनमा त्यस्तो देखिँदैन । बरु उनले आत्महत्या गर्नुभन्दा केही घण्टा अगाडि टिकटकमा शेयर गरेको भिडियोमा उनी निकै रोमान्टिक देखिएकी छिन् ।

ती भिडियो अहिले सामाजिक सञ्जालमा निकै भाइरल भइरहेका छन् । त्यसैले बरु अनुसन्धान अधिकारीहरुले अर्को कोणबाट पनि घटनाको बारेमा छानबिन गर्दैछन् ।

त्यो हो, निकट भविष्यमा ठूलो प्रोजेक्टमा देखिने तयारीमा रहेकी युवतीको आत्महत्या र उनलाई आईरहेको धम्की । हो, अनुसन्धान अधिकारीहरुले प्राप्त गरेका सूचना अनुसार सामाजिक सञ्जालमा निकै सक्रिय रहने गरेकी सियालाई निकै धम्की आईरहेको कुरा पत्ता लगाएका छन् ।

प्रहरीका अनुसार उनले गत बुधबार राति १२ बजे आत्महत्या गरेकी थिइन् । भोलिपल्ट बिहान ९ बजे उनका बुबाले झुण्डिएको अवस्थामा फेला पारेका थिए ।

उनी भारतको दिल्लीमा रहेको गिता कोलोनीमा बस्दै आएको समेत समाचारमा जनाईएको छ ।

सामाजिक सञ्जाल टिकटकमा मात्रै उनका १७ लाख फलोअर्स छन् भने २६ लाख आठ हजार ‘लाईक’ छ ।

पछिल्लोपटक अपलोड गरिएको भिडियोमा १३ लाख पटक हेरिएको छ भने यस भिडियोमा ७ लाख ७२ हजार ४ सय बढीलाईक आएको छ । ३१ हजार ४ सय कमेन्ट आएको छ । उनका फलोअर्सले निकै दुखि भएको प्रतिक्रिया दिएका छन् ।