काठमाडौं । अहिले बलिउड अभिनेता सुशान्त सिंह राजपुतको मृत्युको रहस्य पत्ता लगाउन मुम्बई पुलिस हरेक कोणबाट अनुसन्धान गरिरहेको छ। एक रिपोर्टका अनुसार अभिनेता सुशान्तले आफ्नो मृत्यु हुनुभन्दा केही घण्टा अगाडि मात्र गुगलमा आफूलाई खोजेको कुरा पत्ता लागेको छ ।
भारतीय सञ्चारमाध्यमका अनुसार, फोरेन्सिक रिपोर्टले दाबी गरेको छ कि, सुशान्तले बिहान १० बजेर १५ मिनेट जाँदा आफ्नो मोवाइलमा सुशान्त सिंह राजपुत अर्थात आफ्नै नाम गुगलमा खोजेका थिए। त्यसपछि उनले आफ्नो बारेमा लेखिएका केही समाचार रिपोर्ट पनि पढेका थिए।
साथै अनुसन्धानबाट सुशान्त आफ्नो टोलीसँग पत्रिका र अखबारमा आउने लेखहरूमा अक्सर कुरा गर्ने गरेको कुरा पनि पत्ता लागेको छ ।
बलिउड अभिनेता सुशान्त सिंह राजपुतले १४ जूनमा बान्द्रास्थित आफ्नै घरमा झुण्डिएर आत्महत्या गरेका थिए । उनी ६ महिना यता डिप्रेसनको समस्यामा परेको कुरा बताइएको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया