चलचित्र विकास बोर्डसमक्ष ६३ चलचित्रले मागे राहत

काठमाडौं । चलचित्र निर्माता संघले राहतका लागि चलचित्र विकास बोर्ड समक्ष प्रदर्शन रोकिएका चलचित्रको सूचि बुझाएको छ ।

६३ चलचित्रले विकास बोर्डसमक्ष राहत माग गरेका हुन् । राहतका लागि चलचित्र विकास बोर्डमा आग्रह गर्ने चलचित्रमा प्रदर्शन भईसकेका चलचित्र देखि छायाङ्कन नभईसकेका चलचित्र समेत रहेको बताइएको छ ।

कोरोना भाइरसका कारण प्रदर्शन हुँदाहुँदै रोकिएका चलचित्र ‘आमा’, ‘सेन्टी भाइरस’ देखि छायाङ्कन सकिएको ‘प्रेम गीत–३’ र छायाङ्कन नै शुरु नभईसकेका चलचित्रले पनि राहत पाउनुपर्ने भन्दै बोर्ड समक्ष अपिल गरेको बताइएको छ ।