काठमाडौं । वि.सं. २०७७ आषाढ १९ गते । शुक्रवार । इ.स.२०२० जुलाई ०३ तारिक । शकसंवत् १९४२ । प्रमादी संवत्सर । उत्तरायण ।
ग्रीष्म ऋतु । ने.सं. ११४० बछलागा । आषाढ शुक्लपक्ष । तिथी– त्रयोदशी,१२ बजेर ४७ मिनेट उप्रान्त चतुर्दशी । नक्षत्र–ज्येष्ठा,२४ बजेर २६ मिनेट उप्रान्त मूल । योग शुभ,०६ बजेर २९ मिनेट उप्रान्त शुक्ल,२८ बजेर ०७ मिनेट व्रम्ह ।
करण– तैतिल,१२ बजेर ४७ मिनेट उप्रान्त गर,२३ बजेर ५७ मिनेट उप्रान्त वणिज । आनन्दादिमा–चर योग । चन्द्रराशि–बृश्चिक,१२ बजेर २६ मिनेट उप्रान्त धनु । काठमाडौंमा सूर्योदय ५ बजेर १३ मिनेटमा, सूर्यास्त १९ बजेर ०१ मिनेटमा । दिनमान ३४ घडी २९ पला ।
मेष (चू,चे,चो,ला,लि,लू,ले,लो,अ)
व्यस्तता बढेपनि स्वास्थ्यको ख्याल नगर्दा कमजोरि महशुस हुनेछ । खानपान तथा बाहिरी वातावरणको ध्यान दिनुहोला ।
व्यापार व्यवसायमा लगानी गर्नुपुर्व आवस्यक तयारी राम्रोसँग गर्नुहोला । पढाई लेखाईमा मन नजादा भनेजस्तो नतिजा नआउन सक्छ ।
प्रेममा रमाउन चाहनेहरुका लागि आजको दिन मध्यम रहेको छ । गोप्यता भङ्ग हुने तथा आफन्तसँग विवाद बढ्नेछ ।
वृष (ई,ऊ,ए,ओ,वा,वी,वू,वे,वो)
समय मध्यम रहेकोले घर परिवारमा आन्तरिक कलह बढ्नेछ । प्रेममा रहेकाहरु टाडै बस्नु उचित हुनेछ ।
व्यवसायमा लगानी कर्ताहरुबीच मनमुटाव सिर्जना हुने योग रहेको छ । सवारी साधन तथा अन्य हार्डवयेरसँग सम्बन्धीत वस्तुको प्रयोग गर्दा ध्यान दिनुहोला ।
सचेत नभए ऋण,रोग तथा शत्रुले सताउनेछन् । काममा ढिला सुस्ति तथा अप्रिय समाचारले दैनिकी प्रभावित हुनेछ ।
मिथुन (का,की,कू,घ,ङ,छ,के,को,हा)
पढाई लेखाईमा अरुभन्दा पछि परिने चिन्ताले सताउनेछ । स्वास्थ्यमा कमजोरी देखिने हुँदा दैनिक कामकाजमा समस्या पैदा हुन सक्छ ख्याल गर्नुहोला ।
व्यापारमा लगानी गर्दा ध्यान दिनुहोला आज गरीने व्यवसायमा नाफा कमाउन निकै समय खर्चनु पर्नेछ ।
विवाद तथा प्रतिस्पर्धामा सामेल नहुनुहोला । न्यायिक निर्णयहरु तपाईको पक्षमा नआउन सक्छ । प्रेममा मनमुटाव सिर्जना हुनेछ ।
कर्कट (ही,हू,हे,हो,डा,डी,डु,डे,डो)
अध्ययनमा भनेजस्तो नतिजा ल्याउन सकिनेछ । तपाईले गरेको पेशा व्यवसायमा सन्तान तथा छोराछोरीको पनि सहयोग प्राप्त हुनाले सामान्य आम्दानी बढ्नेछ ।
प्रेममा रमाउन चाहनेहरुका लागि आजको दिन उत्तम रहेको छ । वौद्धिक कार्यक्रममा सहभागि भई आफ्नो प्रश्तुती प्रश्तुत गर्ने अवसर प्राप्त हुनेछ ।
सिहं (मा,मी,मू,मे,मो,टा,टी,टू,टे)
आफन्तहरु टाडिने तथा पति पत्नीबीच सामान्य मनमुटावको सिर्जना हुनेछ । पढाई लेखाईमा समय दिन नसक्दा अरुभन्दा पछि परिनेछ ।
राजनीति तथा समाजसेवामा समय लगानी गर्नेहरुका लागि समय मध्यम भएकोले जनताबाट आलोचनात्मक समर्थन पाईनेछ ।
व्यापार व्यवसायमा नाफा कमाउन निकै नै समय खर्चनु पर्नेछ भने कृषी तथा पशुपालन व्यवसाय फस्टाउनेछ ।
कन्या (टो,पा,पी,पू,ष,ण,ठ,पे,पो)
असजिलो परिस्थितीमा साथ दिनेहरु कमै भेटिनेछन् । कुनै पनि काम गर्दा नियम संगत गर्नुहोला,बलजफ्ती गर्दा समस्या आउन सक्छ ।
बन्धुबान्धबहरुसँग मनमुटाव बढ्ने तथा छिमेकीहरुसँग विवाद हुने योग रहेको छ । पढाई लेखाईमा मन नजादा अरुभन्दा पछि परिनेछ । छोटो दुरिको यात्रा कष्टकर हुन सक्छ ।
तुला (रा,री,रु,रे,रो,ता,ती,तू,ते)
बोलिको प्रभाव बढ्ने हुँदा बोलेकै भरमा कामहरु सम्पादन हुनेछन् भने मोटिभेसन,काउन्सेलिङ तथा बोलेर गर्ने व्यवसाय फस्टाएर जानेछ ।
व्यापार व्यवसायमा समय दिन सके न्यून आम्दानी हुनेछ भने भौतिक सम्पत्ती तथा धातु संग्रह गर्न सकिनेछ । तर पनि बाहिरी वातावरण तथा सरसफाईमा ध्यान दिनुहोला ।
वृश्चिक (तो,ना,नी,नू,ने,नो,या,यी,यू)
सामाजिक काम गर्दा ध्यान दिनुहोला समयमा काम नसकिने तथा मान सम्मान तथा ईज्जत प्रतिष्ठामा दाग लाग्न सक्छ ।
खानपानमा ध्यान दिनुहोला स्वास्थ्यमा समस्या आउन सक्छ । पठन पाठनमा ध्यान जाने छैन भने विभिन्न अवसर आएपनि निर्णय क्षमताको अभावले अरुभन्दा पछि परिनेछ । व्यापार व्यवसाय खस्केर जाने हुनाले आम्दानीका स्रोतहरु साँघुरिनेछन् ।
धनु (ये,यो,भा,भी,भू,ध,फा,ढा,भे)
खर्च बढेपनि उपलब्धी मुलक कामहरु हुनेछन् । काम वा अध्ययनको शिलशीलामा विदेशी भूमिमा हुनुहुन्छ भने सरसफाईमा विशेष ध्यान दिनुहोला ।
खानपानमा ध्यान दिनुहोला सामान्य स्वास्थ्य सम्बन्धी समस्या आउन सक्छ । पढाई लेखाईमा ध्यान नदिँदा अरुभन्दा पछि परिनेछ । प्रेममा अविस्वास बढ्ने योग रहेको छ ।
मकर (भो,जा,जी,जू,जे,जो,ख,खी,खू,खे,खो,गा,गी)
सुखद समाचारले आजको दीन उत्साह पूर्वक बित्नेछ । सहपाठी तथा प्रतिस्पर्धीहरुलाई उछिन्दै बिषेश अवसरमा सहभागी हुने अवसर जुर्नेछ भने मिहेनतले वौद्धिक क्षेत्र फराकिलो हुनेछ ।
रोकिएका काम बन्ने तथा नयाँ काम सुचारु गर्न सकिनेछ । पैत्रिक धन तथा सम्पत्तीको प्रयोग मार्फत आम्दानी बढाउन सकिनेछ । प्रेम तथा मित्रताको बन्धन कसिलो भएर जानेछ ।
कुम्भ (गू,गे,गो,सा,सी,सू,से,सो,दा)
आफन्त तथा बुवा सरहका मानिससँग मनमुटाव सिर्जना हुनेछ । व्यापार व्यवसायबाट न्यून आम्दानी हुनेछ । राजनीति तथा समाजसेवामा जनताको काम गर्न नसकिने हुदा ईज्जत प्रतिष्ठामा कमिको महशुस हुनेछ ।
सरकारी काममा सेवा प्रवाह गर्नेहररुको ढिलासुस्तिले समयमा काम बन्ने छैन । अध्ययन तथा अध्यापनमा समय बढी नै लगानी गर्नुपर्ने देखिन्छ ।
मीन (दी,दू,थ,झ,ञ,दे,दो,चा,ची)
धर्म भावमा गोचर गर्ने चन्द्रमाले सानो प्रयत्नले राम्रा तथा उपलब्धी मुलक कामहरु गर्न सकिनेछ । पढाई लेखाईको लागि समय उत्तम रहेको छ भने खोज तथा अनुसन्धानको क्षेत्रबाट भनेजस्तो नतिजा हात पार्न सकिनेछ ।
प्रेम सम्बन्ध सकारात्मक बाटोमा बढ्नेछ । व्यापार व्यवसायमा भने मन्दि आउनेछ ।
तपाईको दिन शुभ रहोस् ।
ज्योतिषी दुर्गा भण्डारी ।
यो खबर पढेर तपाईलाई कस्तो महसुस भयो ?
प्रतिक्रिया