उच्चतम बिन्दुमा पुगेर घट्न थाल्यो सुनको मूल्य

काठमाडौं । शुक्रवार नेपाली बजारमा सुन तथा चाँदीको मूल्यमा कमि आएको छ ।

बिहीवार प्रतितोला छापावाला सुनको मूल्य ९१ हजार कायम भइ कारोबार भएको थियो । शुक्रवार तोलामा ५ सयले कमि आइ प्रतितोला सुनको मूल्य ९० हजार ५ सय कायम भइ कारोवार भइरहेको नेपाल सुनचाँदि व्यवसायी महासंघले जनाएको छ ।

त्यस्तै शुक्रवार तेजावी सुनको मूल्य ९० हजार ६५ कायम भइ कारोवार भइरहेको छ । बुधवार सुनको मूल्य अहिलेसम्मकै सबैभन्दा धेरै अर्थात प्रतितोला ९१ हजार ७ सय पुगेको थियो ।

बिहीवारको तुलनामा शुक्रवार चाँदीको मूल्यमा पनि १० रुपैयाँले कमि आएको छ । शुक्रवार प्रतितोला चाँदीको मूल्य ९ सय ५० रहेकोमा मूल्यमा कमि आइ प्रतितोला चाँदी ९ सय ४० मा कायम भइरहेको महासंघले जनाएको छ ।