सुशान्त सिंह राजपुतको अन्तिम फिल्मको ‘ट्रेलर’ आज रिलिज हुँदै

लोकपथ संवाददाता

२०७७,असार,२२,सोमवार १३:५५

काठमाडौं । सारा संसार सुशान्त सिंह राजपुतको फिल्म ‘दिल बेचारा’ हेर्न पर्खाईमा रहेका छन् । तर जो नायक फिल्मले अरुलाई मनोरञ्जन गराउन गईरहेका छन् उनी नै यो संसारमा छैनन् ।

उनले आफ्नो फिल्म आफैँले हेर्न समेत पाएनन् । १४ जूनमा बलिउड अभिनेता सुशान्त सिंह राजपुतले बान्द्रस्थित आफ्नै घरमा झुण्डिएर आत्महत्या गरे । यो भन्दा अगाडि नै उनले फिल्म ‘दिल बेचारा’को शुटिङ भने सकिसकेका थिए । तर फिल्म रिलिज हुन भने बाँकी नै रहेको छ ।

मुकेश छाबडाद्वारा निर्देशित पहिलो फिल्म दिल बेचारा जोन ग्रीनको उपन्यास ‘द फोल्ट एन अभर स्टार्स’मा आधारित छ ।

यो फिल्म २९ नोभेम्बर सन् २०१९ मा रिलीज हुनेवाला थियो तर समय फेरेर यसको रिलिज डेट १५ डिसेम्बर सन् २०१९ मा सारिएको थियो ।

फेरी कोरोनाको संक्रमणले सबै सिनेमा घरहरु बन्द भएपछि यो फिल्म रिलिज हुन सकेन । र अहिले आज अर्थात् ६ जुलाईमा यसको ट्रेलर रिलिज हुँदैछ भने २४ जुलाईमा यो फिल्म सिनेमा घरमा आउने भएको छ।