मौद्रिक नीति दिउँसो ३ बजे सार्वजनिक हुँदै

काठमाडौं । आर्थिक वर्ष २०७७/७८ को मौद्रिक नीति शुक्रवार सार्वजनिक हुने भएको छ ।

आज दिउँसो ३ बजे केन्द्रीय कार्यालयबाट सार्वजनिक गरिने राष्ट्र बैंकले जनाएको छ । पहिलेका वर्षहरुमा सबै सञ्चार माध्यमहरुलाई बोलाएर गर्ने गरिएकोमा यो वर्ष कोरोनाको कारण नेपाल टेलिभिजनमार्फत प्रत्यक्ष प्रशारण हुनेछ ।

गभर्नर महाप्रसाद अधिकारीले आफ्नो पहिलो मौद्रिक नीति सार्वजनिक गर्दैछन् । कोरोना महामहारीले अर्थतन्त्रमा आएको शिथिलतालाई पुर्नजागृत गर्नेगरी मौद्रिक नीति आउने अपेक्षामा निजी क्षेत्र रहेको छ ।

त्यस्तै मौद्रिक नीतिले सरकारले बजेटमार्फत लिएको आर्थिक वृद्धिको लक्ष्य हासिल गर्न सहयोग पुग्ने गरी मौद्रिक तथा कर्जा व्यवस्थापन गर्ने जिम्मेवारी पनि राष्ट्र बैंकलाई छ।