आफ्नै श्रीमतीको हत्या गरेको अभियोगमा पक्राउ

पाँचथर, २१ फागुन- आफ्नै श्रीमतीको हत्या गरेको अभियोगमा फिदिम नगरपालिका–३ सिलौटे बस्ने ६२ बर्षीय डिक बहादुर मुखियालाई प्रहरीले पक्राउ गरेको छ ।मादक पदार्थ सेवन गरेका मुखियाले फागुन ५ गते ४५ बर्षीया श्रमिती गंगामाया मुखियालाई कुटपिट गरेको र सोही दिनदेखि गंगामाया बेपत्ता भएको भनी स्थानीय बासिन्दाहरुले आइतबार प्रहरी चौकी पौवामा निवेदन दिएका थिए ।प्रहरीले मुखियालाई नियन्त्रणमा लिई सोधपुछ गर्दा घरदेखि टाढा आलुबारीमा गंगामायाको हत्या गरी वर्कोले बेरेर गाडेको बताएपछि खटिएको प्रहरीले उक्त स्थानमा उत्खनन गर्दा गाडेको अवस्थामा शव फेला परेको थियो ।यस सम्बन्धमा प्रहरीले अन्य आवश्यक अनुसन्धान गरिरहेको छ ।