सुशान्त आत्महत्या प्रकरण : रिया चक्रवर्ती पक्राउ पर्न सक्ने

काठमाडौं । बलिउड अभिनेता सुशान्त सिंह राजपूतले गत जून १४ को राती बान्द्रास्थित आफ्नै घरमा झुण्डिएर आत्महत्या गरे ।

त्यसपछि उनको आत्महत्या प्रकरणबारे छानबिन भईरहेको छ ।अहिले उनको केस सीबीआईले गरिरहेको छ ।

यसैबीचमा विभिन्न नयाँ खुलासाहरु भईरहेका छन् । च्याटदेखि ड्रग्स मामिलासम्म अनुसन्धान पुगिसकेको छ ।

यसैबीच सुशान्तकी प्रेमिका तथा बलिउड अभिनेत्री रिया चक्रवर्ती अब पक्राउ पर्ने भएकी छन् ।

उनका भाई शोबिकसँगको अनुसन्धानमा रियाले मागेपछि मात्र आफूले ड्रग्स मगाउने गरेको बताएका छन् ।

शुक्रवार राती अबेरसम्म भएको एक्त शोधपुछ पछि यो रहस्य पत्ता लागेको हो । एनसीबीले अब रियालाई ड्रग्स कनेक्सनको मामिलामा पक्राउ गर्न सक्ने बताइएको छ ।

रियाका भाई शोविक र सुशान्तकी हाउस म्यानेजर स्यामूल मिराण्डालाई पक्राउ गरिसकिएको भारतीय सञ्चारमाध्यमहरुले बताएका छन् ।

एजेन्सीको सहयोगमा

यो खबर पढेर तपाईलाई कस्तो महसुस भयो ?