‘फूल भन्दा कमी छैन’ मा साधनाको धमकेदार अभिनय (भिडियोसहित)

काठमाडौं । मोडलिङ क्षेत्रमा आफ्नो भविष्य बनाउँदै गरेकी साधना शर्माको अभिनय रहेको म्युजिक भिडियो सार्वजनिक भएको छ ।उनी अभिनित ‘फूल भन्दा कमी छैन’ बोलको म्युजिक भिडियो सार्वजनिक भएको हो । उक्त म्युजिक भिडियोमा साधनाको लोभलाग्दो अभिनय देख्न पाइन्छ । उनीसँगै म्युजिक भिडियोमा गणेश अग्रवालको पनि अभिनय रहेको छ ।उक्त भिडियो संगीतकार राजु सिंह तथा गीतकार बसन्त वित्यासी थापाको ‘तिमी मेरो साथि’ नामक एल्वमको शीर्ष गीतको भएको बताइएको छ ।‘फूल भन्दा कमी छैन’ बोलको गीतमा राजेश पायल राईको स्वर, राजु सिंहको संगीत तथा बसन्त वित्यासी थापाको शब्द तथा प्रदिप श्रेष्ठको एरेञ्ज रहेको छ । सञ्जय पाण्डेले निर्देशन गरेको भिडियोलाई सुरेश बज्राचार्यले खिचेका हुन् ।