एकै वर्ष तीन डबल रोल निभाएका थिए अमिताभ बच्चन

मुम्बई – बलिउडमा यस्तो पनि समय थियो, जतिबेला एउटै कलाकारका थुप्रै फिल्म एकसाथ रिलिज हुन्थे । सन् १९८२ मा बलिउडका हस्ती अमिताभ बच्चनका आधा दर्जन फिल्म रिलिज भएका थिए । त्यतिबेला बच्चनका फिल्मले हलमा धमाका मच्चाउँथे ।एकै साल रिलिज भएका ६ फिल्ममध्ये तीन फिल्ममा अमिताभ बच्चनले दिलिप कुमारसँग पहिलोपटक काम गरे । यी दुईलाई एकसाथ देख्नु फिल्मी दुनियाँका लागि पनि नौलो थियो ।तर अमिताभ बच्चन एक्लैको फिल्मले जस्तो सफलता भने यी दुईको फिल्मलाई मिलेन ।अन्य फिल्मले सफलताका झण्डा गाडे । सबै फिल्म ब्लकबस्टर्स बने ।ती फिल्ममा अर्को पनि एउटा विशेषता थियो । फिल्ममा अमिताभ बच्चनका डबल रोल थिए । ती फिल्म थिए – सत्ते पे सत्ता, बेमिसाल र देश प्रेमी । एउटै कलाकारका फिल्म, त्यो पनि डबल रोलमा एकै वर्ष रिलिज हुनुको अहिले पनि बलिउडमा चर्चा हुने गर्छ ।