धनगढी, १ चैत । कैलालीको घोडाघोडी नगरपालिकाका मेयर ममता प्रसाद चौधरीमाथि गोली प्रहार गरेको आरोपमा पक्राउ परेका चार जनालाई प्रहरीले सार्वजनिक गरेको छ । धनगढी जिल्ला प्रहरी कार्यालयले बिहीबार बिहान पत्रकार सम्मेलन गरी घटनामा सलग्न चार जना आरोपीहरूलाई सार्वजनिक गरेको हो ।प्रहरीले बिहीबा सार्वजनिक गरिएकाहरुमा घोडाघोडी नगरपालिका १ लक्ष्मीपुर बस्ने ४० वर्षीया कमल क्षेत्री, घोडाघोडी नगरपालिका वडा नं. ९ बस्ने ३६ वर्षीय भरतबहादुर शाह, टिकापुर नगरापलिका १ बस्ने ३० वर्षीय हृदयराज बोगटी र धनगढी उपमहानगरपालिका ८ बस्ने ३० वर्षीय पूर्णप्रसाद खनाल छन् ।उनीहरु चारै जनाले घोडाघोरी नगरपालिकाका मेयर चौधरीलाई गत फागुन २८ गते राति खुकुरी र गोली हानेको आरोप छ । मेयरको टाउकोमा खुकुरी र कम्मर मुनिको भागमा गोली प्रहार गरीएको थियो खुकुरी र गोली प्रहार पछि गम्भीर घाइते भएका चौधरीको काठमाडौंस्थित शिक्षण अस्पताल महाराजगञ्जमा उपचार भइरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया