अनुप र खगेन्द्र अभिनित ‘डमरुको डन्डीबियो’ को पहिलो गीत रिलिज

काठमाडौं, २ चैत – चलचित्र ‘डमरुको डन्डीबियो’ पहिलो गीत सार्वजनिक गरिएको छ । काठमाडौंमा एक औपचारिक कार्यक्रमको आयोजना गरेर गीत सार्वजनिक गरियो ।‘तितेपाती तितेपाती’ बोलको गीतमा पहिले पहिले गाउँ घरतिर खेलिने डन्डिबियो खेललाई प्रस्तुत गरिएको छ । यो खेल अहिले भने लोप हुने अवस्थामा छ । कालीप्रसाद बाँस्कोटाको स्वर तथा संगीत रहेको गीतलाई सविन एकतारे र हरि साउद लेखेका हुन् ।चलचित्रमा अनुप बराल, खगेन्द्र लामिछाने, मेनुका प्रधान, आशान्त शर्मा, लक्ष्मी बर्देवा, बुद्धि तामाङ लगायतका कलाकारले अभिनय गरेका छन् । फिल्मलाई हरि पाण्डेले छायांकन गरेका छन् भने छेतेन गुरुङले निर्देशन गरेका छन् । फिल्ममा कथा खगेन्द्रकै रहेको छ । त्यस्तै फिल्मका निर्माता विनोद गरुङ हुन् ।चलचित्र आउँदो वैशाख २१ गतेदेखि रिलिज हुँदैछ ।https://youtu.be/I13PeRKj5Zk