प्रदेश १ मा ६३७ संक्रमित थपिए

विराटनगर । पछिल्लो २४ घण्टाको अवधिमा प्रदेश नं। १ मा ६३७ जना कोरोना संक्रमित थपिएका छन् ।

थपिएका संक्रमितमा मोरङमा २९९, सुनसरीमा १८०, झापामा ११०, उदयपुरमा १३, इलाममा आठ, ताप्लेजुङमा छ, संखुवासभामा तीन, खोटाङ र धनकुटामा एकाएक र प्रदेश बाहिरका १६ जना रहेको प्रदेशको सामाजिक विकास मन्त्रालयले जनाएको छ । आज संक्रमितमा १९७ जना महिला र ४४० जना पुरुष छन् ।

प्रदेशमा आज ४१८ जनासहित छ हजार ६२५ जना कोरोनामुक्त भएर घर फर्किएका छन् । रासस