महासंघको इतिहासमा पहिलो पटक शतप्रतिशत मत खस्यो, मतगणना केहि बेरमा हुने

काठमाडौं । महासंघ निर्वाचनको इतिहासमा पहिलो पटक शतप्रतिशत भोट खसेर ५४ औं वार्षिक साधारण सभा तथा नयाँ कार्यकारणी समिति चयनका लागि भएको मतदान सम्पन्न भएको छ ।

निर्वाचन समितिका अनुसार जिल्ला नगर, एसोसिएट र वस्तुगत सबैतर्फ शतप्रतिशत भोट खसेको छ ।

महासंघको वस्तुगततर्फ १०१ मतदाता, जिल्लानगरतर्फ १०५ मतदाता तथा एशोसियटतर्फ ९०३ मतदाता रहेका थिए । सबै मतदाताले दिउँसो चार बजेभित्रै मतदान गरिसकेका छन् ।

मतगणना साँझ ६ बजेपछि कमलादी स्थित प्रज्ञा भवनमा हुने बताइएको छ ।

महासंघको चुनाबका लागि जिल्लारनगर तर्फका लागि कमलादीस्थित प्रज्ञा प्रतिष्ठान, एसोसिएट तर्फका लागि कार्की ब्याङ्केट र वस्तुगत तर्फको लागि महासंघको केन्द्रीय कार्यालयमा मतदान भएको  थियो ।