सिद्धार्थ बैंकद्वारा १५ प्रतिशतको लाभांश प्रस्ताव

लोकपथ संवाददाता

२०७७,मङ्सिर,१९,शुक्रवार १७:५४

काठमाडौं । सिद्घार्थ बैंक लिमिटेडले आर्थिक वर्ष २०७६/७७ को मुनाफा तथा संचित रकम समेतबाट बैंकका शेयरधनीहरुलाई १५ प्रतिशत लाभांश प्रस्ताव गरेको छ ।

मिति २०७७/०८/१९ मा बसेको सञ्चालक समितिको ३५७ औं बैठकले आफ्ना शेयरधनीहरुलाई १२ प्रतिशत बोनस शेयर तथा ३ प्रतिशत नगद लाभांश (बोनस शेयर तथा नगद लाभाशंको कर प्रयोजनका लागि समेत) गरी कुल १५ प्रतिशतको लाभांश वितरण गर्ने प्रस्ताव गरेको हो ।

बैंकको हालको चुक्ता पूँजी नौ अर्ब अठहत्तर करोड सतहत्तर लाख सतसठ्ठी हजार एक सय अडतीस (९,७८,७७,६७,१३८) मा १२ प्रतिशत बराबरका अक्षरेपी एक अर्ब सत्र करोड पैतालिस लाख बत्तीस हजार सन्ताउन्न रुपैंया (१,१७,४५,३२,०५७) बोनस शेयर तथा ३ प्रतिशत बराबरको अक्षरेपी उनान्तीस करोड छत्तीस लाख तेत्तीस हजार चौध रुपैंया ( २९,३६,३३,०१४) नगद लाभांश प्रस्ताव गरेको हो ।