के तपाई कुकुरसँग आफ्नै भाषामा कुरा गर्न चाहनु हुन्छ ? यो कुराले तपाईलाई अचम्मित बनाउन सक्छ। तर अब मानिसले कुकुरसँग कुरा गर्न सक्नेछन् ।
त्यो दिन देख्न अब हामीले धेरै समय कुर्नुपर्दैन । अबको केहि समयपछि तपाईले कुकुरसँग आफ्नै भाषामा खुलेर कुरा गर्न सक्नुहुनेछ।
अमेरिकाका एक वैज्ञानिकले मानिसले कुकुरसँग कुराकानी गर्न सक्ने यन्त्रको निर्माण गर्न लागेका छन् । उक्त यन्त्रले आर्टिफिशियल इन्टेलिजेन्सको उपयोगबाट जनावरको भाषा र उसको अनुहारको भाव सजिलैसँग अंग्रेजीमा ट्रान्सलेट गर्नेछ।
एनबीसीको एक रिर्पोटमा उत्तरी एरिजोना विश्वविद्यालयका डाक्टर कान स्लाबेदिकोफले करीब ३० वर्षदेखि कुकुर र उसको संवादको तरिकाका बारेमा अध्ययन गरिरहेको बुरा उल्लेख गरिएको छ ।
रिर्पोटका अनुसार स्लाबेदिकोफ र उनका सहयोगीले एक एल्गोरिदम विकसित गरेका छन् । जसले कुकुरको भाषालाई अंग्रेजीमा ट्रान्सलेट गर्नेछ । एजेन्सी
यो खबर पढेर तपाईलाई कस्तो महसुस भयो ?
प्रतिक्रिया