एकै परिवारका १२ दाजुबहिनीले बनाए विश्व रेकर्ड !

काठमाडौं । विश्वमा अहिले विभिन्न प्रकारका नयाँ रेकर्ड बनिरहेका छन् ।

जसलाई पढेर वा देखेर मानिस अचम्मित हुने गर्दछन् ।

एउटा यस्तै रेकर्ड हालै मात्र १२ जना दिदीभाईहरुले बनाएका छन् ।

उनीहरुको संयुक्त उमेर एक हजार वर्षभन्दा धेरै रहेको छ । उनीहरु एकै परिवारमा संयुक्त उमेरको रुपमा सबैभन्दा धेरै उमेर बनाएर विश्व रेकर्ड कायम राखेका छन् । उनीहरुको संयुक्त आयु १ हजार ४२ वर्ष र ३१५ दिन रहेको छ ।

क्यानडामा बस्ने उनीहरुको परिवारमा ९ बहिनी र ३ जना दाजुभाई छन् । यो जीवनकै सबैभन्दा ठूलो उपलब्धि भएको उनीहरु बताउँछन् । उनीहरुको जन्म पाकिस्तानको काराँचीमा भएको थियो ।

त्यसपछि उनीहरु क्यानडामा गएका थिए । उनीहरुको परिवारमा सबैभन्दा सानोको उमेर ७५ वर्ष रहेको छ । उनीहरु सबैको उमेर ७५ देखि ९७ सम्मको छ ।