‘लाइफ इज फर्स्ट’- प्रधानमन्त्री ओली

काठमाडौँ । प्रधानमन्त्री केपी शर्मा ओलीले जीवन नै सवैभन्दा ठूलो कुरा भएको बताएका छन् । शुक्रवार बालुवाटारमा आयोजित ‘बालबालिकासँग प्रधानमन्त्री’ कार्यक्रमलाई सम्वोधन गर्दै प्रधानमन्त्री ओलीले यस्तो बताएका हुन् ।

प्रधानमन्त्री ओलीले कोरोना भाइरस महामारीबाट बालबालिकालाई जोगाउनुपर्ने भन्दै जीवन रहे मात्रै अरू कुरा रहने उल्लेख गरेका हुन् । प्रधानमन्त्री ओलीले शैक्षिक संस्था संचालनका लागि तयारी भैरहेको र कोरोना भाइरसबिरुद्धको भ्याक्सिन ल्याउने पहल भैरहेको बताए ।