काठमाडौं । गत जेठ १० गते पश्चिम रुकुमको चौरजहारी नगरपालिका– ८ सोतीमा भएको घटनाका पीडित परिवार न्याय माग्न पहिलो पटक काठमाडौं आएका छन् ।
घटनामा पक्राउ परेका ३४ जनामध्ये ६ जनालाई अदालतले रिहा गरिसकेको र बाँकी केहीलाई रिहा गर्ने विषयमा छलफल हुन थालेपछि पीडित पक्ष न्यायको माग गर्दै बिहीवार काठमाडौं आएका हुन् ।
मृतक नवराज विकका आमाबुबा उर्मिला विक र मुनलाल नेपाली सहित बाँकी ५ जना मृतकका अभिभावक अहिले काठमाडौंमा छन् ।
जाजरकोट रानागाउँका २१ वर्षीय नवराज विकले आफ्नी प्रेमिका सुष्मा मल्लसँग बिहे गर्न खोज्दा गाउँलेले लखेटेर नवराजसहित ६ जनाको निमर्म तरिकाले हत्या गरेका थिए । उनीहरुको शव भेरी नदीमा फेला परेको थियो ।
यो खबर पढेर तपाईलाई कस्तो महसुस भयो ?
प्रतिक्रिया