काठमाडौं । विकास निर्माणमा चीन विश्वमै अग्रणी छ । तर, ध्वंस गर्ने काममा पनि उ कमजोर छैन । यसको एक झलक हालै वुहान शहरमा देखियो ।
हामीकहाँ एउटा भवन भत्काउनुपर्यो भने हप्तौं लगाइन्छ । तर त्यहाँ १० सेकेन्डभित्र १९ वटा ठूला भवनलाई भग्नावशेषमा परिणत गरियो । आँखा झिम्क्याउन नपाई यति धेरै भवनहरु लोप भए ।
भत्काइएका भवनहरु १२ तल्लासम्मका थिए । नयाँ ७०७ मिटर अग्लो गगनचुम्बी भवनसहितको विजनेस डिस्ट्रिक बनाउनका निम्त यस्तो विनाश गरिएको हो । १ लाख ५० हजार वर्गफिटमा फैलिएका कंक्रिट र शीशाका घरहरु रातको समयमा विष्फोट गरी भत्काइएको भिडियो इन्टरनेटमा भाइरल भएको थियो ।
विष्फोट गराउनुअघि बुहानको हान्काउ रियल स्टेटका बासिन्दाहरुलाई केही हप्ता अगाडि नै यहाँबाट सारिएको थियो । भत्काइएको क्षेत्रनजिकै रहेको रेल्वे स्टेसन, सपिङ मल र विद्युत सवस्टेसन रहेकाले भत्काउने ठेकेदारले पर्याप्त होस पुर्याउनुपर्ने थियो ।
‘यो ध्वंसको परिणाम हामीले सोचेजस्तै भएको छ । विष्फोटनले बाहिर कसैलाई पनि हानी पुर्याएन,’ उनले गर्वसाथ भने ।
चाइनिज एकेडेमी अफ इन्जिनियरिङका विज्ञ वाङ सुगुआङले यस्तो किसिमको प्रयोग चीनमा पहिलोपटक भएको र यसले निर्माण कम्पनीको चार महिना समय वचत भएको जानकारी दिए ।
- बीबीसीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया