काठमाडौं । जितसँगै नापोली कोपा इटालिया फुटबलको सेमिफाइनलमा प्रवेश गरेको छ । बिहीवार राति भएको खेलमा स्पेजियालाई ४-२ गोल अन्तरले पराजित गर्दै नापोली अन्तिम चारमा प्रवेश गरेको हो ।
नापोलीको जितमा कालीडोउ कुलेबाली,हिर्भीङ लोजानो, माटियो पोलीटानो र एल्जिफ एल्मासले एक एक गोल गरे । स्पेजियाका इम्यानुएल ग्यासी र गेनारो अकम्पोराले एक एक गोल फर्काए ।
खेलको पाँचौं मिनेटमा कालीडोउको गोलबाट नापोलीले अग्रता बनाएको थियो । खेलको २० औं मिनेटमा लोजानोले गोल गर्दा नापोलीको अग्रता २-० को बन्यो ।
माटियोले खेलको ३० औं मिनेटमा गोल गर्दा घरेलु टिम ३-० ले अघि रह्यो । खेलको ४० औं मिनेटमा एल्जिकले गोल गर्दै टोलीको अग्रता ४(० को बनायो ।
दोस्रो हाफमा स्पेजियाले दुई गोल फर्कायो । खेलको ७० औं मिनेटमा इम्यानुएलले गोल गर्दै खेल ४-१ मा ल्याए ।
त्यसपछि खेलको ७३ औं मिनेटमा अकम्पोराले थप एक गोल गरेपनि स्पेजिया ४-२ ले पराजित भयो ।
अब नापोलीले सेमिफाइनलमा एटलान्टासँग भिड्ने छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया