शर्मिला र रश्मीको ह्याट्रिक, आर्मीको शानदार जित

काठमाडौं । त्रिभुवन आर्मी क्लबले राष्ट्रिय महिला लिग फुटबलमा दोस्रो जित हात पारेको छ । सातदोबाटोस्थित एन्फा कम्प्लेक्समा शुक्रवार रौतहटको चन्द्रपुर नगरपालिकालाई १०-० ले पराजित गर्दै आर्मीले दोस्रो जित हात पारेको हो ।

आर्मीको फराकिलो जितमा शर्मिला थापा र रश्मी घिसिङले समान ४-४ गोल गरिन् । यस्तै, विमला चौधरी र सपना लामाले एक एक गोल गरिन् ।

जितसँगै आर्मी लिगको दोस्रो स्थानमा उक्लिएको छ । आर्मीले ४ खेलमा ७ अंक जोडेको छ ।

चन्द्रपुर ४ खेलमा ३ अंक जोडेर लिगको छैटौं स्थानमा रहेको छ ।