युभेन्टसको सहज जित

काठमाडौं । इटालियन सिरी ए फुटबलमा युभेन्टसले सहज जित हात पारेको छ । शनिवार राति भएको खेलमा युभेन्टसले साम्पडोरियालाई २-० गोल अन्तरले पराजित गरेको हो ।

युभेन्टसलाई जित दिलाउन फेड्रिको चिसा र आरोन रामसेले एक एक गोल गरे । खेलको २० औं मिनेटमा फेड्रिकोले गोल गर्दै युभेन्टसलाई अग्रता दिलाएका थिए ।

खेलको इन्जुरी समयमा रामसेले गोल गर्दै युभेन्टसलाई २-० को जित दिलाए ।

जितसँगै युभेन्टस लिगको तेस्रो स्थानमा उक्लिएको छ । युभेन्टसले १९ खेलमा ३९ अंक जोडेको छ ।

साम्पडोरिया २६ अंक जोडेर १० औं स्थानमा रहेको छ ।

• एजेन्सी