नाइजेरियामा सडक दुर्घटना : चार जनाको मृत्यु, ४३ घाइते

काठमाडौं । नाइजेरियाको दक्षिणपश्चिमी राज्य ओयोमा बुधवार भएको एक सडक दुर्घटनामा परी चार व्यक्तिको मृत्यु हुनुको साथै अन्य ४३ घाइते भएका सरकारी निकायले बिहीवार जानकारी दिएको छ ।

उक्त दुर्घटना ओयो ओग्बोमोशो राजमार्गमा भएको बताइएको छ । मानिस र जनावर बोकेको एक ट्रक सडकबाट खाडलमा खसेपछि सो घटना भएको थियो ।

यस दुर्घटनामा कम्तीमा १४ जनालाई सकुशल उद्धार गरिएको छ । प्रहरीले दुर्घटनाको बारेमा अनुसन्धान सुरु गरेको जनाइएको छ ।

• एजेन्सी