माटोको ढिस्कोमा पुरिएर तीन जनाको मृत्यु, दुई घाइते

टेक सिँह धामी/ धनगढी । कैलालीको जानकी गाउँपालिकामा माटोको ढिस्कोले पुरिएर तीनजनाको मृत्यु भएको छ । जानकी गाउँपालिका ९ को पूर्वखैरीफाँटाका तीन महिलाको आज शनिवार बिहान माटोको ढिस्कोले पुरिएर मृत्यु भएको हो ।

घर पोत्नका लागि माटो लिन गएका ३१ वर्षीय गंगा जयगडी, २० वर्षीय भावना वड र १७ वर्षीय धनसरी विकको माटोको ढिस्कोले पुरिएर मृत्यु भएको इलाका प्रहरी कार्यालय टीकापुरका प्रहरी नायब उपरीक्षक मधुसूदन न्यौपानेले जानकारी दिएका छन् ।

उनका अनुसार ढिस्कोले पुरिएर काजल विक र अन्जु जयगडी घाइते भएका छन् । घाइते दुबैजनाको टीकापुर अस्पतालमा उपचार भइरहेको छ ।