काठमाडौं । प्रधानमन्त्री केपी शर्मा ओलीले आगामी निर्वाचनबारे छलफल गरेका छन् ।
मंगलवार (आज) निर्वाचन आयोग पुगेका प्रधानमन्त्री ओलीले निर्वाचन प्रमुख आयुक्त र आयुक्तहरुसँग छलफल गरेका हुन् ।
आजको छलफलमा आगामी निर्वाचनको तयारीका विषयमा छलफल भएको प्रधानमन्त्रीका प्रेस सल्लाहकार सूर्य थापाले जानकारी दिए । छलफलका क्रममा आयोगका प्रमुख आयुक्त दिनेश कुमार थपलियाले प्रधानमन्त्री ओलीलाई निर्वाचनका विषयमा जानकारी गराएको उनले बताए ।
संसद विघटनपछि नेपाल कम्युनिष्ट पार्टी दुई भागमा विभाजन भएको छ । दुवै पक्षले आफूलाई आधिकारिकता दाबी गरिरहेका छन् । निर्वाचन आयोगले दुवै पक्षलाई निर्वाचन आयोगमा उपस्थित हुन भनेको थियो । नेकपा ओली समूहका अध्यक्ष समेत रहेका प्रधानमन्त्री ओली आफ्ना प्रतिनिधि पठाएका थिए । भने नेकपा प्रचण्ड-नेपाल पक्षका अध्यक्षद्वय आयोगमा उपस्थित भएर नेकपाको आधिकारिकताबारे छलफल गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया