काठमाडौं । जितसँगै एभर्टन एफए कप फुटबलको क्वाटरफाइनलमा प्रवेश गरेको छ । बुधवार राति भएको खेलमा टोटेनहमलाई अतिरिक्त समयमा ५-४ गोल अन्तरले पराजित गर्दै एभर्टन अन्तिम आठमा पुगेको हो ।
खेलमा सुरुवाती अग्रता टोटेनहमले बनाएको थियो । खेलको तेस्रो मिनेटमै डाभिन्सनको गोलबाट टोटेनहमले अग्रता बनाएको थियो ।खेलको ३६ औं मिनेटमा लेविनले गोल गर्दै एभर्टनलाई बराबरीमा फर्काए ।
खेलको ३८ औं मिनेटमा रिचार्लीसनले गोल गरेपछि एभर्टनले २-१ को अग्रता बनायो । ४३ औं मिनेटमा सिगुर्डसनले पेनाल्टीबाट गोल गर्दा एभर्टनले ३-१ को अग्रता बनायो ।
खेलको ४५ औं मिनेटमा टोटेनहमका लमेलाले गोल गरेपछि खेल ३-२ को स्थितिमा पुग्यो । खेलको ५७ औं मिनेटमा डाभिन्सनले व्यक्तिगत दोस्रो गोल गर्दै खेल ३-३ को बराबरीमा ल्याए ।
खेलको ६८ औं मिनेटमा रिचार्लीसनले व्यक्तिगत दोस्रो गोल गरेपछि एभर्टनले ४-३ को अग्रता बनायो । खेलको ८३ औं मिनेटमा केनले गोल गरेपछि खेलको निर्धारित समय ४–४ गोलको बराबरीमा सकियो ।
बर्नाडले खेलको ९७ औं मिनेटमा गोल गर्दै एभर्टनलाई ५-४ को जित दिलाए ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया