काठमाडौं । सुनसरीमा मोटरसाइकल चोरी गर्ने २ जना पक्राउ परेका छन् ।
धरान उपमहानगरपालिका-१८ स्थित घोपा अस्पतालको कम्पाउण्डभित्र पार्किङ गरी राखेको को३५ प १२८९ नम्बरको मोटरसाइकल चोरी गर्ने २ जनालाई बुधवार दिउँसो प्रहरीले पक्राउ गरेको छ ।
पक्राउ पर्नेहरूमा सुनसरी रामधुनी नगरपालिका-१ बस्ने १९ वर्षीय आकाश चौधरी र १९ वर्षीय अनिमेश चौधरी रहेका छन् । मोटरसाइकल चोरी गरी लैँजादै गरेको भन्ने खबर प्राप्त भएपछि अस्थाई प्रहरी पोष्ट घोपाबाट खटिएको प्रहरीले उनीहरूलाई उक्त मोटरसाइकलसहित फेला पारी पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको बताएको छ ।
यो खबर पढेर तपाईलाई कस्तो महसुस भयो ?
प्रतिक्रिया