स्रोत नखुलेको रकमसहित एक भारतीय नागरिक पक्राउ

काठमाडौं । बारामा स्रोत नखुलेको रकमसहित एक जना पक्राउ ।

सिम्रौनगढ नगरपालिका-७ झबानिबाट स्रोत नखुलेको नगद ३ लाख ५० हजार रुपैयाँसहित भारत घर भएका २३ वर्षीय बिकास यादवलाई बुधवार साँझ प्रहरीले पक्राउ गरेको छ ।

अस्थाई प्रहरी पोष्ट पथलबाघाटबाट खटिएको प्रहरीले बिआर ०५ टि ९६०४ नम्बरको मोटरसाइकल जाँच गर्नेक्रममा मोटरसाइकल चालक बिकासलाई स्रोत नखुलेको उक्त रकमसहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको बताएको छ ।