काठमाडौं । पृथ्वीराजमार्ग अन्तर्गत धादिङको थाक्रे गाउँपालिकामा मोटरसाइकल र ट्रक एक आपसमा ठक्कर खाँदा दुईजनाको मृत्यु भएको छ । थाक्रेको वडा नम्बर ८ को चार किलास्थित एभरेष्ट पम्प नजिकै ट्रक र मोटरसाइकल एक आपसमा ठक्कर खाँदा आगलागी भएको थियो ।
ट्रक र मोटरसाइकल ठक्कर खाएलगत्तै आगो लाग्दा मोटरसाइकमा सवार दुईजनाको जलेर मृत्यु भएको इलाका प्रहरी कार्यालय खानिखोलाकी प्रहरी निरीक्षक रुपा थापाले लोकपथलाई जानकारी दिइन् ।
गल्छिबाट काठमाडौंतर्फ आँउदै गरेको बा प्र ३ ०२ ००९प ८२३० नम्बरको मोटरसाइकल विपरीत दिशाबाट आउँदै गरेको ना १ क ६५४७ नम्बरको ट्रकसँग ठोक्किएर दुर्घटना हुँदा मोटरसाइकलमा एक्कासी आगो लागेको थियो ।
घटनापछि मोटरसाइकलमा सवार दुबैजनाको घटनास्थालमा मृत्यु भएको थापाले जानकारी दिइन् । मृत्यु हुनेमा सुरेश अधिकारी र बलराम अधिकारी रहेका छन् ।
तस्वीर : सन्देश भट्ट-धादिङ
यो खबर पढेर तपाईलाई कस्तो महसुस भयो ?
प्रतिक्रिया