बैतडीको सिगासमा कर्मचारी मृत फेला

टेक सिँह धामी/ धनगढी – बैतडीमा एक कर्मचारी मृत भेटिएका छन् । जिल्लाको सिगास गाँउपालिका वडा नं ७ का ४५ बर्षीय राम सिंह ऐर मृत भेटिएका हुन्।

आज (शुक्रवार) बिहान सिगास ८ को भुमिराज माणडौ नजिकै उनको शव फेला परेको शिवलिङ्ग प्रहरी चौकीका प्रहरी सहायक निरीक्षक राज बहादुर डगौराले बताए । उनले घटनाको थप अनुसन्धान भइरहेको जानकारी दिए ।
४ दिन देखि बेपत्ता भएका ऐर मृत अवस्थामा भेटिएका हुन् । उनी सिगास ८ को शिवलिङ्ग स्वास्थ्य चौकीमा कार्यालय सहयोगीको रुपमा कार्यरत थिए ।