नापोलीसँग युभेन्टस स्तब्ध

काठमाडौं । इटालियन सिरी ए फुटबलमा युभेन्टस पराजित भएको छ । शनिवार राति भएको खेलमा युभेन्टस नापोलीसँग १-० गोल अन्तरले पराजित भएको हो ।

घरेलु मैदानमा नापोलीलाई जित दिलाउन लोरेन्जो इन्सिग्नेले निर्णायक गोल गरे । खेलको ३१ औं मिनेटमा लोरेन्जोले पेनाल्टीमा गोल गरेका थिए ।

जितसँगै नापोली लिगको चौंथो स्थानमा उक्लिएको छ । नापोलीले २१ खेलमा ४० अंक जोडेको छ ।

युभेन्टस ४२ अंक जोडेर तेस्रो स्थानमा रहेको छ ।

• एजेन्सी