महिला लिग फुटबल : आर्मी र चन्द्रपुर भिड्दै

काठमाडौं । राष्ट्रिय महिला लिग फुटबलमा आज त्रिभुवन आर्मी क्लब र चन्द्रपुर नगरपालिका भिड्दै छन् । सातदोबाटोस्थित एन्फा कम्प्लेक्समा हुने आर्मी र चन्द्रपुरबीचको खेल अपरान्ह २ बजे शुरु हुनेछ ।

रौतहटको चन्द्रपुरविरुद्ध मैदान उत्रदा आर्मी सहज जितको खोजीमा हुनेछ । आर्मी चन्द्रपुरलाई हराएर एपीएफविरुद्ध दबाब कायम राख्न चाहन्छ ।

९ खेल खेलेको आर्मी २२ अंक जोडेर दोस्रो स्थानमा रहेको छ । एपीएफ २७ अंक जोडेर शीर्ष स्थानमा रहेको छ । चन्द्रपुर ६ अंक जोडेर छैटौं स्थानमा रहेको छ ।