बराबरीमा रोकियो म्यानचेस्टर युनाईटेड

काठमाडौं । इंग्लिस प्रिमियर लिग फुटबलमा म्यानचेस्टर युनाईटेड बराबरीमा रोकिएको छ । युनाईटेड आइतवार रेलिगेसन क्षेत्रको वेस्ट ब्रुमसँग १-१ गोलको बराबरीमा रोकिएको हो ।

वेस्ट ब्रुमको मैदानमा ब्रुनो फर्नान्डेसले गोल गरेपछि युनाईटेड हारबाट जोगिएको हो ।

खेलको दोस्रो मिनेटमा एम्बाए डाएग्नेले गोल गर्दै वेस्ट ब्रुमलाई अग्रता दिलाएका थिए । फर्नान्डेसले खेलको ४४ औं मिनेटमा गोल गरेका थिए ।

बराबरीमा रोकिएपनि युनाईटेड लिगको दोस्रो स्थानमा उक्लिएको छ । युनाईटेडले २४ खेलमा ४६ अंक जोडेको छ ।

युनाईटेड शीर्ष स्थानको म्यान्चेस्टर सिटी भन्दा ७ अंकले पछि रहेको छ । वेस्ट ब्रुम १३ अंक जोडेर १९ औं स्थानमा रहेको छ ।

• एजेन्सी