प्रहरीलाई कुटपिट गरेको अभियोगमा ३ जना पक्राउ

मोरङ । प्रहरीलाई दूर्व्यवहार गरेको अभियोगमा ३ जना पक्राउ परेका छन् ।

विराटनगर महानरपालिका रेलवे स्टेसनबाट १९ वर्षीय सन्जिब कुमार यादब समेत ३ जनालाई हिजो बुधवार दिउँसो प्रहरीले पक्राउ गरेको हो ।

विशेष कामले को २३ प २११६ नम्बरको मोटरसाइकलमा सवार २ जना प्रहरी कर्मचारीहरुलाई स्थानीय केटाहरुले सरस्वतीको मूर्ति बिसर्जन गर्दै गरेको अवस्थामा उक्त मोटरसाइकल रोकी चाबी खोसी कुटपिट गरी दूर्व्यवहार गरेपछि ईलाका प्रहरी कार्यालय रानीबाट खटिएको प्रहरीले उनीहरुलाई पक्राउ गरेको हो ।

यस सम्बन्धमा थप अनुसन्धान भइरहेको प्रहरीले जनाएको छ ।