क्यासिमिरोको गोलमा रियल विजयी

काठमाडौं । स्पेनिस ला लिगा फुटबलमा साविक विजेता रियल मड्रिडले जित हात पारेको छ । शनिवार राति भएको खेलमा रियलले रियल भालाडोलिमाथि १-० गोलको जित हात पारेको हो ।

भालाडोलिडको मैदानमा रियललाई जित दिलाउन क्यासिमिरोले निर्णायक गोल गरे । भालाडोलिड र रियलबीचको खेलको पहिलो हाफ गोलरहित बराबरीमा सकिएको थियो ।

खेलको ६५ औं मिनेटमा क्यासिमिरोले गोल गरेका थिए । यस जितसँगै रियलले शीर्ष स्थानको एट्लेटिको मड्रिडसँगको अंक दुरी कम गर्न सफल भएको छ ।

रियलले २४ खेलमा ५२ अंक जोडेको छ । रियल लिगको दोस्रो स्थानमा रहेको छ । एट्लेटिको ५५ अंक जोडेर शीर्ष स्थानमा रहेको छ ।

भालाडोलिड २१ अंक जोडेर १९औं स्थानमा छ ।

• एजेन्सी