कोमल शाहको जन्मदिनमा पूर्वराजा-रानीको नृत्य, तात्यो सामाजिक सञ्जाल

काठमाडौं । गत शुक्रवार पूर्वरानी कोमल शाहको जन्मदिन पूर्व राजपरिवारका सदस्यहरुले मनाएका थिए । कोमल शाहको ७० औँ जन्मोत्सवको अहिले चर्चा चलिरहेको छ ।

जन्मोत्सव मनाउँदै गर्दा पूर्वराजा ज्ञानेन्द्र र कोमलको नृत्यले सामाजिक सञ्जालमा निक्कै चर्चा चलिरहेको छ ।

हिमानी शाहको फ्यान पेजबाट अपलोड गरिएको एक भिडियोमा जन्मदिन मनाउँदै गर्दा पूर्वराजारानी नाचेका थिए ।

जन्मदिनको अवसरमा पूर्वयुवराज पारस शाह पनि झापा पुगेका थिए । झापामा पूर्वराजा र पूर्वयुवराज्ञी हिमानीसहित सम्पूर्ण परिवार उपस्थित थिए ।

जन्मोत्सवको अवसरमा शाह परिवारले झापाको धुलाबारीस्थित मेची क्राउन होटल एक हप्ताका लागि बुक गरेको थियो ।

♥️🎉♥️ pic.twitter.com/OhsVtLKMwB

— Himani shah/हिमानी शाह🇳🇵 (@HimaniFanclub) February 20, 2021