१ लाख ५० हजार नगदसहित तास खेलिरहेको अवस्थामा ९ जना पक्राउ

काठमाडौं । बाँकेमा तास खेलिरहेको अवस्थामा नौ जना पक्राउ परेका छन् । नेपालगंज उपमहानगरपालिका-२ बौद्ध टोल डेरा गरी बस्ने अर्घाखाँची पुडेनी गाउँपालिका-८ घर भएका भुट्टु मियाँको कोठामा तास खेलिरहेको अवस्थामा अर्घाखाँची छत्रदेवी नगरपालिका-१ बस्ने ३६ वर्षीय दन्दिर अली समेत ९ जनालाई आइतवार राति प्रहरीले पक्राउ गरेको छ ।

तास खेलिरहेको भन्ने सूचनाको आधारमा वडा प्रहरी कार्यालय नेपालगंजबाट खटिएको प्रहरीले उनीहरुलाई १ लाख ५० हजार १ सय ६५ रुपैयाँ र ६ गड्डी तास सहित पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको बताएको छ ।