१२ वर्षीया बालिकामाथि जबरजस्ती करणी

काठमाडौं । तनहुँमा १२ वर्षीया बालिकालाई जबरजस्ती करणी गरेको अभियोगमा एक जना पक्राउ परेका छन् ।

१२ वर्षीया बालिकालाई जबरजस्ती करणी गरेको अभियोगमा घिरिङ गाउँपालिका-१ पुट्टार बस्ने ३१ वर्षीय बोम बहादुर दरैलाई प्रहरीले आइतवार राति पक्राउ गरेको छ ।

दरैले ती बालिकालाई घर नजिकैको ट्वाइलेटमा जबरजस्ती करणी गरेको भन्ने खबर प्राप्त भएपछि ईलाका प्रहरी कार्यालय बेलचौतारा र प्रहरी चौकी पुट्टारबाट संयुक्त रुपमा खटिएको प्रहरीले पक्राउ गरेको हो ।

यस सम्बन्धमा स्थानीय प्रहरीले थप अनुसन्धान गरिरहेको बताएको छ ।