अछाममा ४ वर्षीय बालक मृत फेला, भिरालो जमिनमा भेटिएको थियो शव

काठमाडौं । अछाममा ४ वर्षीय बालक मृत अवस्थामा फेला परेका छन् ।

साँफे नगरपालिका-१० भाटबाडा बस्ने मिन बहादुर भाटको ४ वर्षीय छोरा विवेक भाट आफ्नै घरदेखि करिब ३ सय मिटर टाढा भिरालो जमिनमा सोमवार साँझ मृत अवस्थामा फेला परेका हुन् ।

आइतवार साँझदेखि विवेक आफ्नै घरबाट हराएको भन्ने खबर प्राप्त भएपछि ईलाका प्रहरी कार्यालय घुँघुरकोटबाट खटिएको प्रहरीले स्थानीयबासीको सहयोगमा खोजी गर्ने क्रममा उनको शव फेला परेको हो ।

यस सम्बन्धमा स्थानीय प्रहरीले थप अनुसन्धान गरिरहेको बताएको छ ।