ग्याँस चुहिएर आगलागी हुँदा रुकुम पश्चिममा ९ जना घाइते

काठमाडौं – रुकुम पश्चिमको मुसीकोट नगरपालिका – १ बागबजारमा रहेको एउटा घरको भान्साकोठामा ग्याँस चुहिएर आगलागी हुँदा नौ जना घाइते भएका छन् ।

बागबजारका उदिराम केसीको घरमा डेरा गरी बस्ने आठबीसकोट नगरपालिका २ का प्रजित ओलीको कोठामा ग्याँस चुहिएर आगलागी हुँदा
३९ वर्षीय प्रजित ओली, आठबीसकोट नगरपालिका २ का १६ वर्षीय इन्द्रबहादुर ओली, सानीभेरी गाउँपालिका ३ का १२ वर्षीय प्रचण्ड खनाल, ११ वर्षीय प्रकाश खनाल, १५ वर्षीय पशुपति खनाल, आठबीसकोट नगरपालिका २ की हिरासा ओली, सानीभेरी गाउँपालिका ५ की १८ वर्षीया सरिता केसी, आठबीसकोट नगरपालिका २ का २६ वर्षीय वीरबहादुर ओली र त्रिवेणी गाउँपालिका ७ का ४३ वर्षीय वीरबहादुर केसी घाइते भएको नौ जना घाइते भएको जिल्ला प्रहरी कार्यालय रुकुम पश्चिमले जनाएको छ ।

उनीहरुमध्ये केहि प्रजितको कोठामा ग्यास बिग्रेको भन्दै मर्मतमा गएका र केहि सो घरको कोठा भाडामा बस्नेहरु हुन् । \घाईतेको उपचार भइरहेको प्रहरीले जनाएको छ ।