एकताबाहेक एमालेसँग गठबन्धन गरे नेतालाई कालोमोसो दल्ने उपराष्ट्रपति पुत्रको चेतावनी

काठमाडौं । उपराष्ट्रपति नन्दबहादुर पुनका छोरा दिपेश पुनले एमालेसँग कुनै पनि हालतमा सत्ता गठबन्धन नगर्न माओवादी केन्द्रका नेताहरुलाई चेतावनी दिएका छन् । विद्यार्थी नेता रहेका पुनले पार्टी एकता बाहेक एमालेसँग सत्ता गठबन्धन बनाउन लागिपरे माओवादी केन्द्रका जो कोही नेतालाई सडकमा ल्याएर कालो मोसो दल्ने सामाजिक सञ्जाल फेसबुकमार्फत् चेतावनी दिएका हुन् ।

“पार्टी एकता बाहेक माओवादी र एमालेबीच सत्ता गठबन्धन बनाउन माओवादी केन्द्रका जो कोही नेताहरु लाग्छन् भने तिनिहरुलाई सडकमा ल्याएर कालो मोसो दलिन्छ”,पुनले लेखेका छन् ।