काम लगाई दिन्छु भन्दै २ जना महिलालाई बेचविखन गर्न खोज्ने पक्राउ

काठमाडौं । मोरङमा मानव बेचविखनमा संलग्न दुई जना पक्राउ परेका छन् ।

मानव बेचविखनमा संलग्न रहेको अभियोगमा २ जनालाई शुक्रवार दिउँसो प्रहरीले पक्राउ गरेको छ । पक्राउ पर्नेहरुमा विराटनगर महानगरपालिका-१६ दक्षिण बस्ने प्रेम बहादुर मगर र सोही महानगरपालिका-१५ पशुपति टोल बस्ने ३४ वर्षीय काजी तामाङ रहेका छन् ।

होटलमा काममा लगाई दिन्छु भनि ललाई फकाई प्रलोभनमा पारी सिन्धुपाल्चोकबाट काठमाडौं हुँदै २ जना महिलालाई विराटनगरमा बोलाई रोजगारी दिलाई दिने बाहनामा भारतमा लगि बेचविखन गर्ने उदेश्यले विराटनगर महानगरपालिका-१६ दक्षिण गेटमा ल्याएको भन्ने जाहेरीको आधारमा ईलाका प्रहरी कार्यालय रानीबाट खटिएको प्रहरीले उक्त कार्यमा संलग्न उनीहरुलाई पक्राउ गरेको हो ।

यस सम्बन्धमा थप अनुसन्धान भइरहेको जिल्ला प्रहरी कार्यालय मोरङले जनाएको छ ।