काठमाडौं । नेपाली कांग्रेसका सभापति शेरबहादुर देउवाले जनता समाजवादी पार्टी (जसपा)का शीर्ष नेतासँग छलफल गर्ने भएका छन् । आज (शुक्रवार) ४ बजे देउवा निवास बूढानीलकण्ठ जसपाका नेताहरुसँग छलफल गर्ने भएका हुन् ।
सत्ता समीकरणका विषयमा छलफल गर्न देउवाले जसपाका नेताहरुलाई बूढानीलकण्ठ बोलाएको कांग्रेस मुख्यसचिव कृष्णप्रसाद पौडेलले लोकपथलाई जानकारी दिए ।
जसपाका नेताहरुसँगको भेट अघि शुक्रवार दिउँसो ३ बजे देउवा निवास बुढानिलकण्ठमा पदाधिकारी बैठक बस्दै छ । आजको पदाधिकारी बैठकले जसपाका नेताहरुसँग कसरी अघि बढ्ने भन्ने विषयमा छलफल हुने बताइएको छ ।
यसअघि सत्ता सहकार्यबारे जसपा र नेकपा एमालेबीच भएको वार्ता सकारात्मक भएको कुरा बाहिरीएको थियो । नेकपा माओवादी केन्द्रका अध्यक्ष प्रचण्डले पनि नयाँ सरकार निर्माणका लागि कांग्रेस र जसपासँग छलफल गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया